Mer hend eus all am samstig am zwei troffe im pfadiheim und hend üs mit em Heinz, em Biber Boris und sim Chrütergarte uf de Weg gmacht. Mer hend en Wiite weg hinterüs vollbracht und sind nachere ewigkeit endlich ahcho ufemene kuuhle Buurähof. Mer hend üs zerst ih eusem Zelt iglebt und ready gmachd. De hemmer all döffe es Töpfli bemale und schlussendlich no Kresse pflanze. Mer hend viel Spieli gmachd und en gueti zyt gha. Gäg de Abig hemmer am Buur döffe zuehluege wie er sini Chüeh gmälched hett und die chline Chälbi tränkt hett, es ish mega spannend gsi. Nachem Znacht hemmer en Postelauf gha und hend müsse en Trank herstelle für die böse Schnägge wo euse Gartä kaputt gmachd hend. Nach jedem Poste hemmer en Zuetate becho für de Trank. Wo mer alles zämegmischd hend hetts afah Sprudle und mer hend die böse Schnägge chönne besiege. De ish sho zyt gsi fürs Bett. Am nägste Tag sind all Elter echo und mer hend en super feine Brunch zäme ga. De ish das Lager leider au scho verbi gsi.
s’Biberteam
